Մեր Առաքելությունը. Վերջ դնել ընտանեկան բռնությանը՝ պաշտպանելով և զորակցելով
Կանխել ընտանեկան բռնությունը՝ պաշտպանելով ու զորակցելով զոհին, օգնել ընտանիքի անդամներին, և մարտահրավեր նետել համակարգերին ու հաստատություններին, որոնք պետք է ավելի արդյունավետ արձագանքեն բռնության ենթարկված կանանց և նրանց երեխաների կարիքներին։ Խթանել սոցիալական փոփոխությունները և կրթել համայնքին գենդերային հավասարության, ընտանեկան բռնության և դրա հետևանքների մասին։
2024 թվականին ՀՀ Ազգային ժողովը հաստատեց Կանանց Աջակցության Կենտրոնի առաջարկած օրենսդրական փոփոխությունները «Ընտանեկան բռնության մասին» և Քրեական օրենքներում, որ ուղղված էր զոհերի բարելավված պաշտպանությանը և բռնարարներին պատասխանատվության ենթարկելուն։
Պատմությունը
Հիմնադրված 2010 թվականին՝ Կենտրոնը լիարժեք ծառայություններ մատուցող մարմին է, որ ղեկավարվում է ֆեմինիստ ակտիվիստների և համայնքի առաջնորդների փոքր խմբի կողմից։
Մեր առաքելությունն է՝ պայքարել ընտանեկան բռնության դեմ՝ վերապրածների պաշտպանության, վերականգնման և զորակցման միջոցով, ինչպես նաև փոխել այն իրավական, կրթական և սոցիալական պայմանները, որոնք նպաստում են ընտանեկան բռնության շուրջ լռության մշակույթի ձևավորմանը։
Ազդեցությունը
Ամեն տարի մենք աջակցություն ենք տրամադրում ավելի քան 300 շահառուների, և յուրաքանչյուր տարի այդ թիվն աճում է մոտ 20%-ով։ Մենք նաև առաջարկում ենք մասնագիտական հմտությունների զարգացում, համակարգչային ուսուցում, առողջ ապրելակերպի, կենսական հմտությունների, ծնողական հմտությունների և բռնությունից վերապրածների համար կարևոր ռազմավարությունների դասընթացներ։ Այս աշխատարանները նպաստում են տուժած անձանց ավելի պատրաստված լինել՝ հաղթահարելու համար բարդ իրավիճակները, արդյունավետ կառավարելու իրենց կենցաղը և մուտք գործելու աշխատաշուկա։
Թիմը
Իր 27 մասնագետների թիմով Կանանց Աջակցման Կենտրոնն իրականացնում է ընտանեկան բռնության կանխարգելման և արձագանքման գործունեություն՝ հատուկ ուշադրություն դարձնելով այն դեպքերին, երբ կանայք ենթարկվում են բռնության իրենց ներկայիս կամ նախկին զուգընկերների կողմից։ Մենք շահույթ չհետապնդող և ոչ կառավարական կազմակերպություն ենք, որ տրամադրում է ընտանեկան բռնությանն առնչվող ամբողջական ծառայություններ և ձգտում է համակարգային փոփոխությունների հասնել՝ աջակցելով բռնությունից տուժած անձանց։